SEO文案寫作緣起

網站工作需要SEO寫文

呢篇係我第一篇係EstherPoni.com既文,就等我講下點樣開始寫SEO文案既生意。大約2018年時,當時我仲係網頁公司做野,發現好多網站客都交唔到文字內容,即係公司簡介、服務撮要咁,原因係佢地只識做返自己個行,但就唔知點用文字解釋俾其他人認識,就算可以俾到內容既客,啲內容都唔太得,吸引唔到人,於是間唔中我都會代筆幫客寫下文,介紹返佢地公司、服務或者產品,等個網站可以盡快出街。

當個網站有字後,客又會問個網頁設計師(即係我)點解Google Yahoo搵唔到佢個網站,咁我問客你點搵呢? 客話佢係從事裝修既,所以用Google搵「裝修」,結果出既全部都係行內有品牌既大公司。好啦,我唯有解釋俾佢知道乜野叫做「SEO」,佢應該明既。

所以我地發現,網頁公司如果淨係幫個客設計完個網站,對客來講,就好似裝修完間鋪,但無推出市場無做宣傳,鋪入邊放好哂產品但無介紹一樣,最後其實都係幫唔到個客做好盤生意。

所以網頁設計公司就幫埋客寫SEO文案。

「政府資助顧問」SEO挑戰

如果你讀過EstherPoni一篇《SEO文案成功案例》,就會知道我地曾經做過一次壯舉,就係嘗試霸哂「政府資助顧問」呢行既關鍵字頭版。其實之前我地網頁公司一路都嘗試挑戰「網頁設計」關鍵字,但係對手實在太強啦,開左好多年既網頁公司都種落好多Backlink,例如係客戶既網頁底放左自己網頁既連結,我地呢啲相對年資短既網頁公司好難動搖到佢地既地位,所以一路都係徘徊係第二頁,唔上唔落。SEO世界係好殘酷,頭版已經佔左7成既流量,第一版同第二版根本就係天同地比。不過打「大佬」賺到既就係SEO經驗,對日後做SEO文案好有幫助,「政府資助顧問」既SEO相當成功。我地最近一個既政府資助顧問Project就好順利,只係用左3個月時間就推左唔少熱門關鍵字,非常開心。

文字工作係需要深耕細作

有朋友同我地講,做SEO文案好冷門,香港人咁心急,點會有人會肯俾錢寫文,之後仲要等幾個月或者半年先至有效果。其實市場係要真實內容,呢個年代,一定要精準,做岩事搵岩人,就算你只係擊中市場既1%,如果轉化率夠高,咁成個商業模式既效率就會遠遠超越傳統既推廣方法,以小勝大。商業網絡化,就係要有好既根基,文字工作雖然要深耕細作,唔似賣廣告咁即食,但最後嬴既一定係肯做研發同品牌既公司。EstherPoni好相信SEO文案寫作係Content marketing既未來,人類需要文字,未來都需要文字,我地從來都唔使Sales,因為文字就係最強既武器。美國廣播新聞界一代宗師默羅(Edward R. Murrow)曾經咁樣形容前英國首相邱吉爾(Winston Churchill):「他動員左英文上到戰場」。(Now the hour had come for him to mobilize the English language, and send it into battle)1

  1. https://winstonchurchill.org/resources/quotes/quotes-faq/

發表評論