SEO文案成功案例

網站SEO成績就係一切

「凡事都有兩面,但股市只有一面,就是正確的一面」

傑西·李佛摩 《股票作手回憶錄》

我對李佛摩呢句名言1印象深刻,Jesse Livermore係一個二十世紀初既美國炒家,從來都唔會同人爭論邊個岩邊個錯,因為市場炒賣,結果就係一切;SEO文案寫作都係一樣,排名其實已經講明一切。

曾經有人同我講:「我覺得我個網站好快好正,但Google PageSpeed評分就好差,我係咪要搵過另一個測試網站?」。我拍拍他膊頭:「老友,你要做Google SEO,Google話哂事。」

以下就同各位分享一個好經典既SEO文案寫作成功案例:

「政府資助顧問」SEO成功例子

特區政府為左幫中小企增強競爭力,成立左好多各式各樣既資助基金,例如科技券計劃同BUD專項基金等。有間科技公司間唔中都會幫客代辦申請,後來發現市場潛力幾好,於是就正式整左個網站做宣傳推廣。當我接手左呢個Project後,發現關鍵字(Keywords)來來去去都係由「科技券顧問」同「BUD顧問」引伸出來,字眼梗係緊要,但更加重要既係大家用搜尋器(Search Engine)背後既動機,咁我代入角色(Persona),想像下大家究竟想要得到乜野既資訊,只有咁樣先可以明白點解大家要搵呢堆關鍵字

了解到搜尋背後既Big Why,然後俾佢地需要既野,呢個就係Google同SEO Copywriter既任務。

過左大約半年,SEO文案開始見效,好多重要既Keywords都已經上左首頁、第一名,甚至做到「精選摘要」(Featured snippets)。2 網站老細見到由SEO返既查詢唔單止多,而且仲好好質素,於是就諗左個大膽計劃,就係做多幾個政府資助顧問網站,霸哂搜尋結果頁SERP既頭版(Donimate the First Page!)。呢個要求幾有趣而且好有挑戰性,因為寫文唔可以就咁搬字過紙,抄功課(Plagiarism)係會被Search engine扣分,同時文風又唔以一樣,若人懷疑。想像下,東方蘋果大公文匯原來都係同一條友寫既話.. (偷笑)。

第一版十個網站 五個都係我寫既

咁多個網站,有啲就行專業路線,寫技術文,扮下學院派;有啲就用白話,玩大眾化路線,似ULifestyle個款文風。攪咁多,其實都係要將啲網站推高SEO,做內容行銷。今次唔使半年,只係用左4個月,呢堆網站就陸續達標,相關既關鍵字都上左首頁,有啲重要關鍵字仲上到5個網站,佔左頭版一半,所以好多時公司會收到同一個客打來問幾次。

當然,SEO三大元素,即係內容(Content)、技術(Technology)同權威性(Authority),係要成個團隊努力先可以做到既;內容主要靠文案,仲有Illustration, Infographic同Video等等。

政府資助顧問既SEO文案成功案例,到今日都仲係最難忘既經驗。我幾相信,即使停左筆後,除非有更強勁既對手出現,否則呢個SEO效果將可以持續一年甚至幾年。

EstherPoni - we write, Google reads - signature
  1. 原文:https://quotefancy.com/quote/1639546
  2. Ivan So, 什麼是精選摘要 Featured Snippet 及對 SEO 有什麼好處呢?, HDcourse, https://www.hdcourse.com/seo/what-is-featured-snippet/